Gjenerali Isufi viziton policin e plagosur: Qëndroi si shkëmb përballë terroristëve

Shefi i Komunikimit Strategjik në Ministrinë e Mbrojtjes, gjenerali Sefer Isufi, ka vizituar këtë të enjte policin tjetër të mbetur të plagosur gjatë sulmit në Banjskë, efektivin Alban Rashiti.

Isufi ka publikuar një fotografi në krah të policit të Kosovës, ku thekson se edhe i plagosur luftoi dhe qëndroi i palëkundër përballë terroristëve.

Gjenarali shton se gjaku i heroit Afrim Bunjaku dhe heroizmi i efektivit të plagosur dhe shokëve të tij shkruan faqen e historisë së Kosovës.

“Ky është kusheriri dhe Heroi im, Komando i Atdheut Alban Rashiti, i cili me trupin e tij u bë Shkëmb që nuk kalohet nga bishat terroriste të Serbisë që deshën t’a gllabrojnë edhe njëherë Tokën dhe Republikën tonë të shenjtë.

I plagosur rëndë luftoi deri në fund kundër terroristëve, qëndroi i palëkundur në betejën vendimtare për të marrë hakun e Heroit Afrim Bunjakut dhe nuk lejoi që trupi i tij të bie në kthetrat e armikut.

Krenar me ty Alban që me gjakun, luftën e heroizmin tënd, bashkë me Afrimin e shokë tjerë, shkrove faqen e re të historisë kombëtare.

Sikur paraardhësit e tu të Seferit Heroik më në krye Heroin Idriz Seferi, e ringjalle përsëri amanetin e tyre bashkë me lavdinë e Skifterit e Kastriotit dëshmorë”, ka shkruar Rashiti në facebook.

LEXONI GJITHASHTU: 

• Europa mblidhet në Spanjë, Rama: E rëndë që Serbia shpalli 3 ditë zie për sulmuesit
• Osmani: Do kërkoj mbështetje nga BE dhe aleatët për ndëshkimin e sulmit