Kryetari i Dhomës së Fasonistëve, Gjergji Gjika thotë se 20% e fasonerive janë mbyllur.

Në një intervistë për Euronews Albania, Gjika u shpreh se numri i të punësuarve në këtë sektor është ulur.

Sipas tij, nëse qeveria nuk i ndihmon financiarisht, këto ndërmarrje do të mbyllen.

“Jo vetëm këtë vit. Kjo është një pandemi me armë tani, nuk është me viruse. Përqindja është e vështirë, pasi gjithmonë biznesi e mban deri në minutën e fundit që mund ta riciklojë. Ne kemi rreth 20% të ndërmarrjeve që nuk janë më funksionale.

Nëse para pandemisë, ne kemi pasur rreth 76 mijë të punësuar, tashmë janë 50 mijë. Janë larguar për arsye të ndryshme. Ndërmarrjet do mbyllen njëra pas tjetrës, njerëzit do shkojnë në shtëpi të pa punë”, theksoi ai.

Dhomat e Biznesit kundërshtojnë paketën fiskale të qeverisë, e cila sipas tyre nuk duhet të fokusohet tek gjobat, por tek ulja e taksave.

LEXONI GJITHASHTU

• Kryetari i Dhomës së Fasonistëve: Qeveria të ndihmojë bizneset, kostot janë rritur
• Rama: Amnistia fiskale do bëhet, shpresoj të ketë njerëz normalë që të thonë OK
• Amnistia fiskale, Nikolin Jaka: Të konsultohet me grupet e interesit