Gjermania “hakmerret” ndaj Musk, pezullon aktivitetet në platformën X

17 Janar 2025 | 09:23

Ministria e Mbrojtjes e Gjermanisë ka bërë të ditur se po pezullon aktivitetet në platformën X të Elon Muskit mes akuzave se platforma e mediave sociale po përhap dezinformata përpara zgjedhjeve të parakohshme të 23 shkurtit.

Ministria gjermane tha se “nuk do të postojë më në mënyrë proaktive në llogarinë e saj në X për të ardhmen e parashikueshme”, duke argumentuar se “shkëmbimi i argumenteve të bazuara në fakte po bëhet gjithnjë e më i vështirë”.

Më tej, ministria tha se do të përdorë në të ardhmen një kanal në WhatsApp si alternativë për të dhënë informacione rreth emërimeve dhe vendimeve përkatëse nga ministri, si dhe lajme nga ministria.

Javën e kaluar, më shumë se 55 universitete dhe institute kërkimore në Gjermani njoftuan se nuk do të postojnë më përmbajtje në X, duke argumentuar se një “shkëmbim i bazuar në fakte, ligjërim të hapur dhe transparencë” më nuk ishte i mundur.

Qeveria gjermane ka akuzuar Muskin për ndërhyrje në votimin e ardhshëm pasi ai, personi më i pasur në botë dhe aleat i presidentit të zgjedhur të SHBA-së Donald Trump, shprehu mbështetje të hapur për partinë e ekstremit të djathtë Alternativa për Gjermaninë (AfD). Javën e kaluar, ai gjithashtu zhvilloi një bisedë në X me kandidaten për kancelar të AfD-së, Alice Weidel.

Në një konferencë për media në Berlin, zv.zëdhënësja e qeverisë, Christiane Hoffmann, theksoi se derisa miliarderi amerikan është i lirë të shprehë mendimin e tij, “në fakt, Elon Musk po përpiqet të ndikojë në zgjedhjet federale përmes deklaratave të tij”.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Numri i personave të raportuar të zhdukur pas tërmeteve shkatërrues në Venezuelë i kalon 25 mijë

Më shumë se 25,000 persona janë raportuar të zhdukur në Venezuelë pas tërmeteve shkatërruese që goditën vendin, sipas një faqeje interneti për raportimin e personave...
18:24 | 25/06/2026

Portugalia gati të dërgojë 50 ekipe shpëtimi në Venezuelë pas tërmetit të fuqishëm vdekjeprurës

Portugalia është gati të dërgojë një mision ndihme emergjente prej 50 shpëtimtarësh në Venezuelë, njoftoi sot Ministri i Jashtëm Paulo Rangel, pas tërmetit të fuqishëm vdekjeprurës që goditi vendin e Amerikës Latine. “Ekziston një...
17:58 | 25/06/2026

Kina kundërshton sanksionet e reja të SHBA-së ndaj Kubës

Kina ka përsëritur thirrjen e saj që Shtetet e Bashkuara të heqin sanksionet dhe embargon afatgjatë ndaj Kubës, pas vendimit të Uashingtonit për të vendosur...
17:11 | 25/06/2026