“Gjermania jashtë BE-së”- Kërcënimi i lideres së AfD-së që alarmoi unionin

“Nëse kërcënimet e kryetares së partisë gjermane të ekstremit të djathtë Alternativa për Gjermaninë, Alice Videl, për daljen e Gjermanisë nga BE bëhen realitet,  atëherë BE-ja ka vdekur” është kjo ajo çfarë shkruajnë mediat.

Videl ka deklaruar se nëse partia e saj, e cila po rritet vazhdimisht në popullaritet, fiton zgjedhjet, ajo do të kërkojë një referendum për daljen nga Bashkimi Evropian. Ajo ende mendon se AfD nuk do të vijë në pushtet në Gjermani para vitit 2029, por këmbëngul se roli i ardhshëm i AfD-së në qeveri është i pashmangshëm.

Megjithatë, në Gjermani është në fuqi një marrëveshje që parandalon çdo formë koalicioni apo bashkëpunimi të AfD-së me partitë e tjera.

“Gjermania është zemra e Bashkimit Evropian, është e pamundur të imagjinohet BE-ja pa Gjermaninë. Unë mendoj se kjo është arsyeja pse partitë kryesore gjermane janë me përkushtim pro-evropiane dhe thjesht nuk debatojnë për nevojën për të qëndruar në komunitetin e kombeve evropiane”, shkruan portali kroat .

“Gjermanët, të cilët njihen si eurofile, janë gjithashtu fuqimisht në favor të idesë së BE-së”, sipas një sondazhi të kryer nga Konrad Adenauer, një institut i lidhur me partinë kryesore opozitare të qendrës së djathtë CDU. Në përgjigje të pyetjes hipotetike për daljen e mundshme të Gjermanisë nga BE-ja, nje tjetër analist thekson se skenari është joreal, por nëse kjo ndodh, BE-ja do ta kishte të vështirë të mbijetonte pa Gjermaninë.

LEXONI GJITHASHTU:

• Zbulohet takimi i AFD me grupin ekstremist, ‘masterplan’ për dëbimin e emigrantëve
• Ekspozoi simbole naziste, arrestohet deputeti gjerman i AfD