Gjermania merr avionin e parë Poseidon, i projektuar për të luftuar nëndetëset ruse

Gjermania ka pranuar të premten avionin e saj të parë të patrullës detare P-8A Poseidon, në një ceremoni në aeroportin kryesor të Berlinit ku mori pjesë edhe ministri i Mbrojtjes, Boris Pistorius.

Avioni, i projektuar për të zbuluar dhe luftuar nëndetëset ruse në Atlantikun e Veriut, mbërriti nga SHBA-ja përmes Islandës dhe është i pari nga tetë të tillë që Berlini pritet të marrë deri në vitin 2028, me një kosto totale prej 3.1 miliardë eurosh.

P-8A Poseidon, i bazuar në platformën e Boeing 737, ka një rreze veprimi mbi 7,000 kilometra dhe është i pajisur me pesë torpedo MK-54 dhe katër raketa anti-anije AGM-84 Harpoon.

“P-8 do të forcojë në mënyrë të qëndrueshme aftësitë tona për zbulimin detar dhe mbikëqyrjen globale, veçanërisht për luftën kundër nëndetëseve armike,” deklaroi Inspektori i Marinës Gjermane, Jan Christian Kaack, duke e cilësuar avionin si një “roje fluturuese” të mbrojtjes evropiane.

LEXONI GJITHASHTU:

• Pekini prezanton aeroplanmbajtësen e re, sfidon Amerikën për dominimin detar
• Zelensky pas takimit Trump-Orban: Nuk e di ku i sheh përparimet Presidenti i SHBA