Gjici kërkon lirinë në GJKKO, kush është gjyqtarja që do të shqyrtojë kërkesën

Safet Gjici, i arrestuar për akuzën e “Korrupsionit pasiv”, do të dalë përpara Gjykatës së Apelit të Posaccëm më datë 14 Korrik, ora 11:00.

Shorti ka caktuar gjyqtaren Saida Dollani për të shqyrtuar ankimimin e Gjicit për një masë më të lehtë sigurie.

Ish-kryebashkiaku i Kukësit ankimoi masën e “Arrestit me burg”, nëpërmjet avokatit të tij,  me argumentin se tenderi që flitet në video nuk është shpallur asnjëherë nga bashkia e Kukësit dhe se klineti i tij nuk ka kryer asnjë shkelje të ligjit.

Safet Gjici u arrestua më 24 qershor me akuzën e korrupsionit pasiv, ndërsa pretendoi se nuk ka shkelur ligjin, por ra pre e një kurthi të ngritur nga ata që nuk e duan.

Pas arrestimit të tij në lidhje me video skandalin, ku ai shihet teksa kryen mardhënie intime me një vajzë në ambinetet e zyrës së bashkisë, SPAK po kryen veprime hetimore për të parë nëse ka persona te tjerë që e kanë ndihmuar Alma Kaçin për të realizuar videon.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU: 

• Eni Ferhati: Alma Kaçi njihet si gazetare në Durrës, ka bërë kurs për dedektive
• Detaje nga “qelitë VIP” në Durrës: Si po bashkëjetojnë Gjici, Dako, Bllako dhe Koka