Gjimnazi “Ali Demi” në zi pas humbjes në aksident të maturantit Leandro Shametaj

Një aksident tragjik i mori jetën 17-vjeçarit Leandro Shametaj në orët e para të mëngjesit të sotëm, kur një automjet e goditi teksa po shkonte nga puna në shtëpi me motor.

Mësohet se i riu ishte maturant në Gjimnazin “Ali Demi” në Vlorë.

Faqja zyrtare e gjimnazit ka njoftuar për këtë lajm të trishtë, i cili ka pikëlluar gjithë shokët dhe shoqet e tij, si dhe stafin pedagogjik.

Ata shprehin dhimbjen e madhe për këtë aksident tragjik që i preu në mes ëndrrat e maturantit, duke ndarë dhimbjen me familjarët e tij.

“I trishtë lajmi për të gjithë ne. Një aksident me pasojë vdekje preu në mes ëndrrat e një maturanti, Leandro Shametaj, nxënës i Gjimnazit ‘Ali Demi’. Ndajmë me familjen Shametaj dhe Dejvin dhimbjen e madhe për këtë humbje. Kujtimi i Leandros do të mbetet i gjallë në zemrat tona, të shokëve, mësuesve dhe të gjithë komunitetit tonë shkollor. Gëzo me engjëjt, Leandro!”, shkruhet në faqen zyrtare të gjimnazit “Ali Demi” në Vlorë.

LEXONI GJITHASHTU:

• Foto e 17-vjeçarit, u përplas nga Porsche kur po vinte me motor nga puna si kamarjer
• Aksidentoi për vdekje të riun me motor, arrestohet shoferi, policia: Ishte i dehur