Foto e 17-vjeçarit, u përplas nga Porsche kur po vinte me motor nga puna si kamarjer

Ky është 17-vjeçari Leandro Shametaj, i cili humbi jetën në orët e para të mëngjesit të sotëm nga një aksident në Vlorë.

Sipas policisë, shoferi i Porsche-s ishte i dehur në momentin kur përplasi të riun, i cili, pasi kishte mbaruar punën si kamarier, po shkonte në shtëpi me motor.

Policia njofton se ka arrestuar shoferin e Porsche-s, 32-vjeçarin Haiti Bajramaj.

“Më datë 28.10.2025, rreth orës 00:15, në bulevardin ‘Ismail Qemali’, duke drejtuar automjetin tip ‘Porsche’ në gjendje të dehur, është përplasur me motomjetin tip ‘Trinity’, me drejtues një shtetas të mitur, 17 vjeç, i cili si pasojë ka ndërruar jetë,” thuhet në njoftimin e policisë.

LEXONI GJITHASHTU:

• Gjimnazi “Ali Demi” në zi pas humbjes në aksident të maturantit Leandro Shametaj
• EMRI/ Makina përplas të riun me motor, humb jetën 17-vjeçari në Vlorë
• Nipi humbi jetën nga aksidenti në Vlorë, flet gjyshi i të riut: Po kthehej nga puna