Gjinekologu: Kemi pasur fëmijë me gishta tepër ose gishta të ngjitur

Gjinekologu Blerti Çami komentoi në një intervistë për “Good morning Albanians” në Euronews Albania rastin e një fëmije në Indi që ka lindur me 26 gishta në duar dhe këmbë.

Ai tha se në Shqipëri ka ndodhur të lindin fëmijë me gishta tepër, të ngjitur apo të ndarë në dysh. Por sa e pranojnë prindërit shqiptarë këtë anomali?

“Prindërit kërkojnë llogari sepse nuk e kuptojnë këtë gjë. Në atë moment ndihen keq dhe duan të gjejnë një fajtor. Është jashtëzakonisht e vështirë dhe për një mjek. T’i numërosh gishtat mund të jetë diçka shumë e lehtë kur fëmija ka dorën e hapur, por mund të jetë shumë e vështirë kur e ka dorën grusht dhe varet si të qëllon në momentin e ekzaminimit. Anomali gishtash kemi parë. Kryesisht na ka ndodhur të shohim një gisht më shumë, ose një gisht të ndarë në dy, ose na ka rastisur të shohim gishta të bashkuar me njëri-tjetrin. Kryesisht shihen në lindje, por ka rastisur dhe e kemi parë dhe në ekografi,” – u shpreh Çami.

LEXONI GJITHASHTU:

• 36-vjeçarja po rrezikon gishtat për shkak të thonjve me xhel
• Indi, lind një fëmijë me 26 gishtërinj