Gjirokastër/ Arsimi profesional, në rritje interesi nga të rinjtë

Në prag të nisjes së vitit të ri mësimor në Shkollën e Mesme Profesionale “Thoma Papapano” në Gjirokastër konstatohet një interesim në rritje nga të rinjtë për të vazhduar degët mësimore të saj. Me një traditë rreth 60-vjeçare në këtë shkollë të rinjtë vazhdojnë studimet e mesme për disa degë profesionale si shërbime mjete transporti,teknologji informacioni dhe komunikimi, etj.

“Nga regjistrimet e realizuara deri tani në shkollën profesionale “Thoma Papapano”  në Gjirokastër  është vënë re që ka regjistrime  në pesë drejtimet kryesore që janë pjesë e ofertës  së kësaj shkolle,  dhe kemi regjistrime në degën  shërbime mjete transporti, në drejtimin mësimor teknologji informacioni dhe komunikimi, termohidraulik dhe gjithashtu kemi regjistrime  në një numër më të pakët në drejtimin mësimor hoteleri turizëm dhe elektroteknik.”-tha Renata Puleri drejtoreshw e shkollws.

Në këtë shkollë është çelur dega e re e hoteleri-turizmit, e cila përgatit specialistët e rinj në këtë sektor jetik për ekonominë lokale.

“Drejtimi mësimor hoteleri turizëm  do ti shërbejë drejpërsëdrejti  punëtorëve të kualifikuar  që do të veprojnë  nesër  në këtë industri sepse tashmë  e dimë shumë mirë  që një pjesë e mirë e  familjeve në rrethin e Gjirokastrës jetojnë me turizëm” – tha Renata Puleri drejtoreshw e shkollws.

Tashmë arsimi profesional cilësohet një mundësi e mirë për kualifikimin e të rinjve në tregun e punës si dhe punësimin e tyre.