Gjirokastër, artizania që risjell kostumet popullore të figurave historike

Në qendrën e artizanatit në Pazarin e gurtë të Gjirokastrës, artizania Buqe Muka realizon veshjet popullore të prezantuara në shekuj nga figura dhe emra të njohur të historisë.

Me gjilpërën e qëndistares ajo ka punuar kostumin popullor të veshur nga poeti ynë kombëtar Naim Frashëri por edhe figura të tjera të historike.

“E kemi filluar me veshjen e shkrimtarit Naim Frashëri  që ka jetuar në shekullin  e 19-të, I cili ka realizuar një fotografi  me veshjen tradicionale  të Jugut,  në atë periudhë  rilindasit  patën një dëshirë  për ta risjellë në vëmendje veshjen tradicionale  sepse po humbiste nën ndikimin otoman  dhe një ndër to ishte  Naim Frashëri nga figurat patriotike, na është dashur të punojmë veshjen e Lord Bajorinit dhe Ali Pashës”, thotë artizania.

Jashtë kujdesit të artizanes gjirokastrite nuk kanë ngelur kostumet popullore të jugut.

“Kemi kaluar  me veshjen e Laver Bariut,  edhe kjo sërish si një kërkesë nga ana e të interesuarve  për një veshje tradicionale përmetare dhe kemi gjetur fotografitë  e vjetra të Laverit  nëpër festival të ndryshme, e kemi marrë si pikë referimi  dhe e kemi sjellë në vëmendje”, shprehet ajo.

Puna e kësaj qëndistareje ka tërhequr vëmendjen e turistëve si dhe koleksionistëve të ndryshëm duke mundësuar ruajtjen dhe promovimin e vlerave të traditës

Kostumet popullore të krahinave të ndryshme të vendit spikasin me finesën e realizimit duke prezantuar më së miri historinë dhe kulturën shqiptare

LEXONI GJITHASHTU:

• Vodhën automjetin në Tepelenë dhe e shitën në Gjirokastër, në pranga 3 të rinj
• Gjirokastër, “Takimi i Polifonisë” transmeton tek të rinjtë vlerat e folkut