Gjirokastër, autobusi përplaset me autoveturën, vetëm dëme materiale

Një aksident rrugor problematik është regjistruar në rrugën kombëtare Levan-Tepelenë ndërsa një autobus udhëtarësh është përplasur me një autoveturë.

Si shkak i kësaj përplasje është dëmtuar lehtë drejtuesi i autoveturës me inicialet R. R, 60 vjeç, banues në Memaliaj si dhe janë regjistruar dëme materiale. Sipas policisë së Gjirokastrës shtetasi R. R. ka kryer manovër të gabuar me automjetin e tij, i cili për pasojë është përplasur me autobusin që drejtohej nga shtetasi Gj. V., 33 vjeç, banues në Gjirokastër, i cili gjithashtu po kryente një parakalim të gabuar.

Në vazhdim të procedurave për zbardhjen e plotë të shkaqeve të aksidentit specialistët e Seksionit të Trafikut Interurban dhe Urban referuan materialet në Prokurori ku nisi procedimi në gjendje të lirë për drejtuesit e autoveturës dhe autobusit të udhëtarëve.