Gjirokastër/ Sezoni veror shton makinat në qarkullim, gjobiten 3500 shoferë

Sezoni veror ka shtuar ndjeshëm fluksin e qarkullimit të automjeteve në rrugët kombëtare në Gjirokastër.

Vetëm gjatë muajit korrik Policia Rrugore ka ndëshkuar 3 500 drejtues mjetesh me masa administrative si dhe  ka proceduar penalisht 9 shoferë për shkelje të ndryshme të Kodit Rrugor.

Gjatë korrikut janë arrestuar 5 drejtues mjetesh dhe janë proceduar penalisht 4 të tjerë, për veprat penale “Drejtimi i mjeteve në mënyrë të parregullt” dhe “Shkelja e rregullave të qarkullimit rrugor”, si dhe janë pezulluar 5 leje drejtimi.

Blutë e rrugores kanë ndëshkuar me gjoba drejtuesit e mjeteve për parakalime të gabuara, qarkullim me shpejtësi tej normave të lejuara, mosvendosjen e rripit të sigurimit, etj.

Policia Rrugore e  Gjirokastrës apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor duke evituar aksidentet dhe pasojat e tyre.

Për shkak të fluksit të rënduar të qarkullimit të automjete duke përfshirë edhe turistët blutë e rrugores kanë rritur praninë në rrugët kombëtare Tepelenë-Gjirokastër-Kakavije, Përmet-Tri Urat, Kardhiq-Delvinë.