Gjirokastër, zjarri përfshin magazinën me materiale ndërtimi

Orët e mesditës flakët e zjarrit përfshinë një magazinë me materiale ndërtimi në periferi të Gjirokastrës. Magazina ndodhej në vendin e quajtur Virua, 3 km në hyrje të qytetit.

Zjarri është shfaqur rreth orës 12.00 ndërsa flakët u përhapën furishëm në katin e dytë të godinës. Tymi i dendur krijoi panik tek qytetarët të cilët kërkuan ndërhyrjen e Shërbimit Zjarrfikës.

Në vendngjarje ndërhyri një mjet zjarrfikës si dhe u përdorën fikse me pluhur. Falë ndërhyrjes së shpejtë u arrit izolimi i plotë i flakëve.

Nuk pati dëme në njerëz ndërsa në mjediset e brendshme të magazinës u regjistruan dëme materiale.