Gazetarja serbe Katarina Radojiçiç komentoi në një intervistë për Euronews Albania ngjarjen e rëndë që ndodhi në Serbi këtë të mërkurë, ku 8 nxënës dhe një roje kanë mbetur  të vrarë në një shkollë fillore, si pasojë e të shtënave me armë zjarri nga një 14-vjeçar.

Ajo u shpreh se deri në këto momente nuk ka asnjë pistë të qartë se përse ka ndodhur diçka e tillë, ndërsa tregoi se ka të dhëna për bullizëm.

“Një prej hipotezave është se djali është bullizuar nga shokët e klasës. Gjithçka ka ndodhur në klasën e aktrimit ku është verifikuar dhe një moment bullizmi ndaj tij, sikurse e tha dhe ministria e Arsimit.

Mësues dhe nxënës të tjerë u thanë gazetarëve se ai ishte një djalë i sjellshëm, nxënës i mirë dhe nuk pritej që të bënte diçka të tillë,” – u shpreh Radojiçiç.

LEXONI GJITHASHTU:

• “Jam psikopat”-Çfarë tha autori i masakrës në Serbi kur u kap nga policia
• I mituri terrorizon shkollën në Serbi, qëllon me armë ndaj shokëve: 9 viktima