GJKKO dënon me 32 vite burg 4 anëtarët e grupit të Jetmir Kastratit

GJKKO pas pretencës së SPAK, dha verdiktin  për Klajdi Dervishin, alias Klajdi Pelinku apo Bruno Pavoti, me 8 vite burgim, sikurse e njëjta masë edhe për Arteid Musallari, Eltion Dani dhe Nikolin Noku, alias Nikolin Martini apo Nike/Nik Martini.

Gjykata e Posaçme ka dënuar me 32 vite në total, 4 anëtarët e grupit që drejtohej nga Jetmir Kastrati, nën akuzë për trafikim të narkotikëve në disa vende të Bashkimit Europian.

Trafikun ndërkombëtar i drogës,  arrinte deri në vendet Skandinave dhe më pas fitimet e aktivitetit transportoheshin me linja autobusësh drejt Shqipërisë, për t’u pastruar në investime brenda vendit.

Jetmir Kastrati është hetuar dhe dënuar më parë, kurse sot u dha verdikti për për Klajdi Dervishin, alias Klajdi Pelinku apo Bruno Pavoti, me 8 vite burgim, sikurse e njëjta masë edhe për Arteid Musallari, Eltion Dani dhe Nikolin Noku, alias Nikolin Martini apo Nike/Nik Martini.

Dosja ndaj tyre ishte dërguar për proces prej shtatorit të vitit të kaluar. Më herët SPAK i ka sekuestruar pasuritë mbi 2 mln euro organizatës dhe veçanërisht Jetmir Kastratit dhe kunatit të tij Astrit Beqiri (në emër të të cilit ishin regjistruar), ku binin në sy një pulari dhe disa biznese të tjera.

LEXONI GJITHASHTU:

• Përplasja me armë në Bushat, GJKKO lë në burg Sakicën dhe Troshanin
• GJKKO kalon çështjen e ish-kryeprokurorit të Vlorës Aurel Zarka në gjykim