GJKKO do të vendosë sot për Berishën, çfarë kanë kërkuar avokatët dhe SPAK

Ditën e sotme do të mbahet gjyqi ndaj ish-kryeministrit Sali Berisha në GJKKO, që do të vendosë për kërkesën e SPAK për masën e “arrestit të shtëpisë”.

Pala mbrojtëse e Berishës kërkoi një ditë më parë përjashtimin nga procesi të gjyqtares Irena Gjoka, duke dorëzuar provat që sipas tyre provojnë faktin e shkarkimit të saj në shkurt të 1996 nga KLD ku kryetar ishte Sali Berisha, gjë që sipas tyre tregon se ajo është në konflikt interesi në këtë çështje.

Seanca gjyqësore në GJKKO do të nisë në orën 11:00, ku do të shqyrtohet kërkesa e SPAK për ashpërsimin e masës ndaj Berishës, nga “detyrim paraqitje” në “arrest shtëpie me mbikëqyrje policore”.

Kujtojmë se SPAK kërkoi edhe mbikqyrje policore veç masës së “arrestit të shtëpisë”, çka do të thotë se pranë banesë së Berishës do të qëndrojnë oficerë policie të cilët do ta mbikqyrin atë 24 orë.

LEXONI GJITHASHTU:

• Gazetari: Malltezi pa polic, Berisha i rrethuar, ja çfarë do t’i ndalohet
• Kreshnik Spahiu: Berisha e ka ditur që do izolohej, ja si mund ta shmangte arrestin