GJKKO merr vendimin për masën e sigurisë të Suel Çelës

Apeli i GJKKO refuzon ndryshimin e masës “Arrest me burg” dhënë në mungesë për Suel Çelën.

Marjus Lulaj i njohur edhe me emrin Suel Çela, kërkoi nga Gjykata Kundër Korrupsionit dhe Krimit të Organizuar një masë më të lehtë sigurie.

Ai ndodhet  në kërkim që nga maji i vitit 2022 në kuadër të dosjës “Plumbi i Artë”. Sipas dëshmise së Nuredin Dumanit Suel Çela është pororsitës i tre ngjarjëve kriminale, 2 prej tyre të parealizuar dhe 1 e mbetur në tentativë.

Sipas Duamnit, ditën që ra në prite, ishte nisur me porosi të Suel Çelës për të ekzekutuar Elton Kilën. Vrasje për të cilën deklaroi se do të paguhej 200 mijë euro.

Pak javë më parë RENEA zhvilloi një operacion për kapjen e tij por pa sukses.

VENDIMI:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Daniela Shirka, sot më datë 26.04.2023, zhvilloi seancë gjyqësore për çështjen penale nr. 75 akti, datë 18.04.2023 regjistrimi, me objekt “1. Informacion prej organit të hetimit përpara Gjykatës që ka caktuar masën mbi hetimet e kryera deri në datën e gjykimit pranë Gjykatës së Posaçme të Shkallës së Parë për Korrupsionin dhe Krimin e Organizuar. 2. Zëvendësimin e masës së sigurimit personal “arrest në burg” të caktuar me vendimin nr. 42, datë 17.05.2022 të Gjykatës së Posaçme të Shkallës së Parë për Korrupsionin dhe Krimin e Organizuar”, regjistruar mbi ankimin e personit nën hetim M. (S.) L. (Ç.), ndaj vendimit nr. 80, datë 31.03.2023 të Gjykatës së Posaçme të Shkallës së Parë për Korrupsionin dhe Krimin e Organizuar, dhe vendosi:

Miratimin e vendimit nr. 80, datë 31.03.2023 të Gjykatës së Posaçme të Shkallës së Parë për Korrupsionin dhe Krimin e Organizuar.

LEXONI GJITHASHTU:

• Dumani hap ‘kutinë e Pandorës’, cilat krime rrëfeu?
• 1 milion euro për 1 vrasje të dyfishtë, thotë gazetari Ferhati