GJKKO pranon familjarët palë në procesin “Gërdeci”, Durda: Djalin tim e vrau shteti

GJKKO ka vendosur të bëjë pjesë të procesit Gërdeci 290 persona, familjarë të viktimave dhe të plagosur nga tragjedia e ndodhur në mars të 2008.

Vendimi u mor të mërkurën gjatë procesit ku i pandehur është marrë ish-ministri Fatmir Mediu.

Avokati i familjarëve të viktimave të Gërdecit, Dorian Matlija e cilësoi një fitore për familjen Durda pasi që nga viti 2009 që e ka pasur një kërkesë të tillë që nuk është pranuar.

Zamira Durda, e cila prej 15 vjetësh kërkoj drejtësi për djalin e saj 7-vjeçar të vrarë në shpërthimin e ndodhur në Gërdec e cilësoi një fitore të vogël.

Ajo tha për mediat se provat për Gërdecin janë publike dhe se djali i saj është vrarë nga krimi shtetëror i Ministrisë së Mbrojtjes.