Gjatë javës që lamë pas 12 607 drejtues automjetesh janë ndëshkuar me gjoba nga Policia Rrugore e Tiranës për shkelje të rregullave të qarkullimit.

Policia ka ushtruar kontrolle në të gjithë akset rrugore.

12 persona janë arrestuar ose proceduar në gjendje të lirë për drejtim automjeti në gjendje të dehur ose pa leje drejtimi, si dhe për shkelje të rregullave të qarkullimit rrugor.  

Fokusi i kontrolleve ishte kryesisht te ata drejtues automjetesh që parkojnë në mënyrë të gabuar duke u bërë shkak për krijimin e trafikut të rënduar, ata që qarkullojnë me shpejtësi mbi normat e lejuara dhe ata që parakalojnë në mënyrë të gabuar, duke u bërë burim aksidenti.

Drejtuesit e mjetesh ndër të tjera janë ndëshkuar me masë administrative, për përdorim të celularit, për mosdhënie përparësie këmbësorëve në vija të bardha si dhe për mosvendosje të rripit të sigurimit.

Policia rrugore e Tiranës ju bën apel të gjithë shoferëve që të respektojnë rregullat e qarkullimit rrugor në mënyrë që të mos kthehen në rrezik potencial për përfshirje në ngjarje rrugore. 

LEXONI GJITHASHTU:

• Adoleshenti i vjedh paratë dhe rreh të moshuarin, arrestohet nga policia
• Dhëndri serb i shqiptarëve: Nuk kam frikë nga Policia e Kosovës, jemi bërë miq