Presidenti i Malit të Zi, Milo Gjukanoviç në një intervistë ekskluzive për emisionin ‘Balkan Talks’ në Euronews Albania akuzoi ish-kryeministrin Dritan Abazoviç se zgjodhi të nënshkruante marrëveshjen me kishën serbe pa u konsultuar duke dëmtuar interesat e vendit.

Gjukanoviç tha se qeveria e Abazoviç mori mbështetjen e partisë më të madhe politike në Mal të Zi, që drejtohet prej tij, me kushtin që të përmbushte detyrimet në rrugën e vendit drejt Bashkimit Europian, gjë që sipas tij nuk e bëri.

“Prisnim që qeveria e Abazoviç do të përmbushte detyrimet në rrugën e vendit drejt Bashkimit Europian por në vend të kësaj qeveria e tij u përpoq të zgjidhte një çështje që në fakt duhet të bëhej përmes përfshirjes së të të gjithë faktorëve shkencorë, kërkimorë dhe mendjeve juridike nga historia dhe nga ligji dhe e drejta pronësore, por qeveria e Abazoviç i injoroi të gjithë atë dhe u përpoq ta zgjidhë atë në një mënyrë që është e dëmshme për Malin eZi dhe në këtë mënyrë qeveria humbi besimin”, u shpreh Gjukanoviç.

Ai u shpreh se autoritetet në Mal të Zi do t’i drejtohen Gjykatës Kushtetuese lidhur me rishqyrtimin e marrëveshjes dhe do të marrin përgjigjen nëse ajo është në përputhje me interesat e Malit të Zi.

LEXONI GJITHASHTU:

• Gjukanoviç flet për Euronews Albania, akuza Dritan Abazoviçit për Open Balkan
• Abazoviç: Shqiptarët në Mal të Zi as në ëndërr s’e kanë parë kryeministrin