Gjykata e Lartë e SHBA-së ndalon abortin

Gjykata Supreme në Shtetet e Bashkuara i ka dhënë fund mbrojtjes kushtetuese për abortin, që ka qenë në fuqi prej thuajse 50 vitesh, me një vendim që pritet ta bëjë këtë praktikë shëndetësore të paligjshme në thuajse gjysmën e shteteve amerikane.

“Këtë mëngjes, krahu radikal i Gjykatës Supreme zhbëri të drejtat e qytetarëve amerikanë, duke vënë në rrezik sigurinë shëndetësore të tyre. Por Kongresi do të vazhdojë betejën për ta tejkaluar këtë akt ekstremist dhe për të mbrojtur qytetarët tanë”, thotw Nancy Pelosi, kryetare e Dhomës së Përfaqësuesve, SHBA.

Ndaj vendimit reagoi ish-presidenti Obama, i cili përmes një postimi në Twitter u shpreh se gjykata i hoqi qytetarëve të drejtën personale për të vendosur përballë kapriçove të politikanëve.

Ndërsa ish-zëvendës presidenti Mike Pence deklaroi se me zhbërjen e ligjit të mëparshëm një epokë e re ka lindur për kauzën e jetës.

Vendimi, i marr nga shumica konservatore e gjykatës dhe i pamendueshëm vetëm pak vite më parë, përbën kulmimin e përpjekjeve dhjetëravjeçare të kundërshtarëve të abortit.

Krahu i djathtë i gjykatës ishte përforcuar dhe i nxitur nga tre gjyqtarë të caktuar nga ish-presidenti Donald Trump.

LEXONI GJITHASHTU:

• Gjykata Supreme e SHBA vendos pro përdorimit të armëve
• Gjykata e lartë pritet të shpallë të paligjshëm abortin, protesta në SHBA