Gjykata e Tiranës liron nga qelia katër protestuesit e arrestuar të “Shqipëria Bëhet”

Gjykata e Tiranës ka vendosur lirimin nga qelia të katër protestuesve të arrestuar gjatë protestës së zhvilluar pranë nismës “Shqipëria Bëhet”.

Bëhet fjalë për Edison Haklajn, Alfred Matoshin, Eligert Himën dhe Ergjys Llanajn, të cilët u ndaluan nga policia gjatë tubimit. Trupa gjykuese vendosi ndaj tyre masën e sigurisë “detyrim paraqitjeje”, duke mos pranuar kërkesën e prokurorisë për masa më të rënda.

Të arrestuarit akuzoheshin për shkelje të rendit publik gjatë protestës, ndërsa mbrojtja e tyre e cilësoi ndalimin si të pajustifikuar. Vendimi i gjykatës u dha mesditën e sotme.

Sipas avokatëve, gjykata i vlerësoi arrestimet si të paligjshme, por caktoi masat për shkak se u konstatuan episode dhune. Do të përcaktohet se kush janë përgjegjësit, pasi avokatët pretenduan se dhuna është ushtruar nga policia