Gjykata mban peng shkollën, ende s’ka nisur rindërtimi i godinës së “14 nëntorit”

4 shkolla të ndryshme në 4 vite duket se janë kthyer në makth për nxënësit dhe prindërit e tyre të shkollës 9-vjeçare “14 nëntori” në Durrës.

Ajo pësoi dëme të shumta nga tërmeti i 26 nëntorit, pavarësisht se në 2018-ën i ishte nënshtruar rikonstruksionit.

Prandaj, prej më shumë se 3 vitesh nxënësit zhvillojnë mësimin pasdite në shkolla pritëse, duke e vështirësuar së tepërmi procesin mësimor për ta.

Për prindërit, kostot janë të mëdha.

“Po bëjmë transportin. Më thoni ju si mund t’i mësojmë këta fëmijë”, shprehen disa prej tyre.

Të lodhur nga pritjet e pafundme, prindërit dhe nxënësit kërkojnë dhënien fund të këtij ping-pongu institucional.

Sipas burimeve nga bashkia, rikonstruksioni i shkollës 9-vjeçare do të fillojë muajin e ardhshëm.

Të njejtat burime theksojnë, se deri më tani procesi ka qenë i bllokuar për shkak të një vendimi gjykate.

LEXONI GJITHASHTU

• Deklarata e fortë e gazetarit: 64 shqiptarë kanë vdekur nga dhuna në burgjet greke

• Sekuestrohen 260 kg kanabis në dy kampera luksoz në Vlorë, arrestohen 4 rumunët