Gjykata në Londër i jep Assange të drejtën për të apeluar kundër SHBA

Gjykata e Lartë në Londër i dha sot themeluesit të WikiLeaks, Julian Assange të drejtën për të apeluar kundër ekstradimit në SHBA, raporton Reuters.

Assange nuk u paraqit sot në gjykatë për shkak të shëndetit të tij, por avokatët e tij thanë se ai nuk duhet të ekstradohet në SHBA, të cilat e dyshojnë për rrjedhje masive të dokumenteve sekrete, që potencialisht do të kërcënonin të drejtën e tij për lirinë e fjalës.

Dy gjyqtarët do të vendosin nëse janë të kënaqur me garancitë e SHBA-së se Assange, 52 vjeç, mund të mbështetet në Amendamentin e Parë të Kushtetutës së SHBA-së, i cili garanton lirinë e fjalës, ndërsa ai është në gjyq për spiunazh, raportoi Reuters.

Ekipi ligjor i Assange thotë se ai mund të jetë në një aeroplan për në SHBA brenda 24 orëve nga vendimi i gjyqtarëve, por mund të lirohet nga burgu ose të kthehet në burg ndërsa beteja ligjore vazhdon.

LEXONI GJITHASHTU:

• Britania vendos nëse Assange do të ekstradohet në SHBA
• Gruaja e Assange i bëri thirrje Biden të heqë akuzat kundër burrit të saj