Gjykata rrëzon kërkesën për dëmshpërblim të familjarëve të Artan Cukut

Gjykata Administrative ka rrëzuar kërkesën për dëmshpërblim të familjarëve të ish-drejtuesit të policisë, Artan Cuku.

Gazetari Eni Ferhati raporton se familjarët kishin kërkuar nga Ministria e Brendshme si dëmshpërblim shumën mbi 1 milion euro për humbjen e familjarit të tyre, i cili ishte kërcënuar dhe më parë dhe shteti nuk kishte marrë masa.

Por, kërkesa e tyre u rrëzua nga Gjykata Administrative me argumentin se nuk ka lidhje të drejtpërdrejtë të shtetit me vrasjen e tij.

Artan Cuku u ekzekutua me armë në hyrje të Liqenit Artificial në 8 prill të vitit 2017.

Nga hetimet e prokurorisë rezultoi se shkak i vrasjes së tij ishte hakmarrja për shkak të detyrës në kohën që ka qenë drejtues i policisë së Vlorës.

LEXONI GJITHASHTU:

Gazetari Burimi tregon se s’ka karantinë për shqiptarët që duan të udhëtojnë në Francë

Hartohet protokolli i masave anti-COVID për sezonin turistik