Gjykatësi federal bllokon urdhrin e Trump për të drejtën e shtetësisë në lindje

Një gjykatës i Gjykatës së Qarkut në Nju Hempshir, Joseph N. Laplante, bllokoi të hënën urdhrin ekzekutiv të Presidentit Donald Trump, që synonte t’i jepte fund të drejtës së shtetësisë për fëmijët e personave që qëndrojnë në Shtetet e Bashkuara pa dokumente. Ky është gjykatësi i tretë që merr një vendim të tillë pas dy vendimeve të ngjashme në Siatëll dhe Merilend.

Padia, e ngritur nga Unioni Amerikan për të Drejtat Civile, argumenton se urdhri i Presidentit Trump shkel Kushtetutën e Shteteve të Bashkuara, duke tentuar të zhbëjë një nga vlerat kushtetuese themelore të vendit. Administrata Trump e mbështet urdhrin në argumentin se fëmijët e atyre që nuk janë shtetas amerikanë nuk janë “subjekt i juridiksionit” të SHBA dhe për rrjedhojë nuk kanë të drejtën e shtetësisë.

Në thelb të padive është Amendamenti i 14-të i Kushtetutës, i ratifikuar në vitin 1868, i cili garanton shtetësinë automatikisht për fëmijët që lindin në territorin amerikan, me përjashtim të disa rasteve specifike, si diplomatët, armiqtë gjatë luftës dhe fëmijët që lindin në anije të huaja.

Vendimi i fundit i gjykatës është një tjetër pengesë për administratën Trump, e cila ka apeluar një vendim të ngjashëm në Gjykatën e Apelit.

LEXONI GJITHASHTU:

• Trump nuk tërhiqet për Gazën: Jam i vendosur ta marr, askush nuk mund të kthehet
• Pjesë e ekipit të Trump, PD zgjedh LaCivita drejtues të fushatës për 11 majin