“Gjykimi për ish-krerët e UÇK do zgjasë 5-6 vite”, analisti: Pres që të dënohen

Sabri Ramabaja i ftuar në Euronews Albania tha se gjyqi për ish-krerët e UÇK-së mund të zgjasë nga 5 deri në 6 vite. Sipas tij gjyqi pritet të jetë i gjatë pasi ka shumë dëshmitarë që do të pyeten.

Analisti tha gjithashtu se ky gjyq po zhvillohet tërësisht për arsye gjeopolitike dhe se në fund sipas aktakuzës Thaçi, Veseli, Selimi, Krasniqi por edhe të tjerë anëtarë të UÇK-së do të dënohen.

“Mund të zgjasë relativisht gjatë sepse ka një numër shumë të madh të dëshmitarëve. Mund të shkojë 5 deri në 6 vjet minimumi dhe kjo është hapi i parë që bëhet shkelja themelore e të drejtave të njeriut sepse ata nuk duhet të mbaheshin në gjykatë kaq gjatë.

Sipas gjithë parametrave të aktakuzës, unë për një pjesë të mirë, jo vetëm të atyre që janë tashmë aty, por edhe të tjerëve pres që të dënohen, arsyeja se pse po bëhet kjo është e natyrës politike dhe gjeopolitike.

UÇK-ja ka qenë guerilja më e suksesshme e historisë moderne të Evropës dhe një sinjal i dërgohet të gjithë popujve të tjerë të robëruar siç ishte Kosova një koloni atipike në zemër të Evropës, e panjohur madje si koloni. Ne nuk  mund t’i mbrojmë as këta që janë sot në gjykatë dhe as të tjerët, duke sulmuar gjykatën”,-tha Sabri Ramabaja.

LEXONI GJITHASHTU:

• Diskutimet për detin, ambasadorja greke: Haga do japë zgjidhje të mirëpranuar
• Norvegjia dhe Danimarka do t’i dorëzojnë Ukrainës 8000 predha artilerie