Gjyqi ndaj “Bajlozit”, dëshmon stafi i lokalit ku pinte kafen Behar Sofia

Stafi i lokalit ku pinte kafen Behar Sofia i ekzekutuar në 25 Shkurt të 2021 kanë dëshmuar këtë të enjte në procesin gjyqësor në ngarkim të Jemin Sherës i njohur me pseudonimin “bajlozi” i akuzuar nga SPAK si organizator i vrasjes së Behar Sofias.

3 dëshmitarët theksuan në sallën e gjyqit se e njihnin Sofian pasi ai e frekunetonte shpesh duke qene se kishte benesën aty. Lokali ndodhet ngjitur me një qendër tregëtare, mbrapa Piramidës. Pronarja e lokalit Engjellushe Banaj ka theksuar se e ka në pronësi barkafen që prej 23 vitesh dhe Behar Sofian e njihte pasi e ka frekuentuar shpesh lokalin e saj po ashtu ai kishte banesën aty.

Prokuroria lexoi në seancë edhe dëshmin e Ardjana Vathit bashkëshortes së Skënder Vathit, i dënuar me 30 vite burg për të njëjtën ngjarje.  Sipas deklarimeve paraprake ajo ka pranuar se ka shkuar disa here për të pirë kafen në lokalin mbrapa piramidës.

Sipas SPAK ata e kanë vëzhguar Behar Sofian për 6 muaj. Thënjet e dëshmitarëve mbeshteten edhe nga pamjet filmike të lokalit. Në seancën e radhës prokuroria ka kërkuar që të dëshmojë Marsel Pirra i cili nuk është gjetur ende dhe bashkëpunëtori i drejtësisë Ernejt Shyti.

Të pandehurit e tjerë në këtë çështje, Xhuliano Visha, Leonardi Xhixha, Skënder Vathi dhe Bujar Leza janë dënuar me nga 30 vite burg për ngjarjen ndërsa bashkëpunëtori i drejtësisë që është edhe ekzekutori i Sofias, Ernejt Shyti është dënuar me 7 vite burg.

LEXONI GJITHASHTU:

• Gjykata lë në qeli bashkëpunëtorin në vrasjen e Behar Sofisë
• “Paguan Bajlozi”- Vrasësi i Behar Sofisë: Ofruan 500 mijë € për të vrarë në Gjermani