Gjyqi për shpifje/ Bardhi-Ramës: S’ke kuptuar gjë. Koordinatori ka ngrënë dardha…

Seanca e padisë së kryeministrit Edi Rama ndaj deputetit të PD-së, Gazment Bardhi, për veprën e shpifjes, u shty në gjykatë këtë të martë. Pas seancën kryeministri Edi Rama ka reaguar në X duke u shprehur se gjyqi u shty nga avokatët e deputetit demokrat, pasi sipas tij ata nuk kanë dorëzuar faktet që vëretetojnë thëniet e Bardhit por “janë marrë me llafe bosh”.

Pak pas publikimit të reagimit të kryeministrit, deputeti demokrat i është kundërpërgjigjur gjithashtu me një status në platformën “X” duke u shprehur se duhet ta pyesë edhe njëherë koordinatorin juridik, pasi ose se ka kuptuar, ose e kanë gënjyer

“Koordinatori të paska ngrënë “dardha e mollë” pas shpine! Pyete edhe një herë “koordinatorin juridik. Gjasat janë që s’ke kuptuar gjë, sepse jo vetëm s’merr vesh nga ligji, por këtë periudhë je pak i rënduar psikologjikisht. S’ke faj: u bënë shumë dardhë e shumë mollë pas shpine! Deri tek “molla e dardha” e radhës merre qetë, dhe ndaje mendjen kam shpifur për ty apo vëlla Olsin!”-shkruan Bardhi.

1/2. Koordinatori të paska ngrënë “dardha e mollë” pas shpine! Pyete edhe një herë “koordinatorin juridik” se ose ske kuptuar çtë ka thënë, ose të ka gënjyer!

— Gazment Bardhi (@GazmentBardhi) February 25, 2025

LEXONI GJITHASHTU:

•  Gjyqi për shpifje me Gazment Bardhin, reagon Rama: Prova s’kanë dhe s’përdridhen…
• Sulmet ndaj prokurorit Ols Dado, reagon KLP: Cënojnë procesin e drejtë hetimor