Gjyqtari i GJKKO, Erion Bani ishte këtë të mërkurë në një tryezë diskutimesh ku u diskutua performanca e institucioneve të posaçme. Sipas tij Gjykata e Posaçme ka arritur të shqyrtojë e të marrë vendime për 99% të çështjeve të regjistruara brenda një viti ndonëse kanë qenë me gjysmën e kapaciteit të burimeve njerëzore.
“Kemi mbi 1400 vendime që janë shtuar për Gjykatën e Posaçme. Duhet theksuar fakti se jemi thuajse me gjysmën e gjyqtarëve. Duhet të kemi parasysh faktin që të arrish në këto vendime, duhet që minimalisht një gjyqtar të prodhojë mbi 150 vendime për të arritur në këtë përfundim, kjo tregon dhe statistikën që bëhet fjalë për 3585 vendime.
Lidhur me produktivitetin e kësaj gjykatë, ju bëj me dije se sipas statistikave bëhet fjalë për mbi 99% të çështjeve. Produktiviteti i Gjykatës së Posaçme me thuajse gjysmën e kapacitetit të burimeve njerëzore është thuajse 99%. Pra aq çështje sa janë regjistruar aq janë evanduar brenda një viti kalendarik”,-tha gjyqtari Bani.
LEXONI GJITHASHTU:
- Dalin sot para GJKKO të ndaluarit nga operacioni i SPAK në Universitetin Bujqësor
- GJKKO përgënjeshtron pretendimet e Veliajt se u fye nga prokurori Ols Dado
