Goditjet e SPAK| Akademiku Fuga: Lidershipi i partive po fokusohet vetëm në 1 person

Akademiku Artan Fuga ishte i ftuar në emisionin “Barometri” në Euronews Albania për të diskutuar ndikimin politik të Strukturës së Posaçme Antikorrupsion (SPAK) në zgjedhjet e vitit të ardhshëm.

Fuga theksoi se arrestimet që bën SPAK-u kanë një efekt në jetën politike, sidomos kur nën goditjen e kësaj strukture bien figura të njohura të politikës shqiptare të 30 viteve të fundit.

Megjithatë, ai nënvizoi se pavarësisht qëndrimit të SPAK, si një faktor i jashtëm, duhet pasur parasysh që rrëzimi i elementit kyç një partie, pra kryetarit, sjell pasoja për gjithë grupimin, ku shpesh një pjesë e mirë tyre nuk njihen nga elektorati.

“Nuk mund të them që nuk ndikon në jetën poltike arrestimet që bën SPAK-u, aq më shumë kur nën goditjen e kësaj struture të drejtësisë bien personalitet e politikës të këtyre 30 vjetëve. Duke marrë parasysh analizat e mia, unë do them që sado këto goditje luajnë një rol, unë do kapem tek një fjalë ; qëndrimi SPAK-ut janë një faktor i jashtëm. Ndikojnë faktorët e jashtëm në jetën politike, jeta politika nuk është një mjedi i mbyllur në një epruvetë ku veprojnë vetëm ligjet e politikës. Politika vepron brenda shumë faktorësh. Edhe në vitet e  kaluara ka ndikuar tërmeti për shembull, që nuk ishte faktor i jashtëm, ishte faktor natyror. Jam duke thënë që nuk është rasti i parë. Një parti politike merr goditje nga rrethana të jashtme, por duhet parë që kryetrët e partive politike janë njëshi në një parti. Unë mund të numëroj nja 20 parti të tjera, ku hiq kryetarin ti nuk e di çfarë ka mbas”, tha Fuga.

LEXONI GJITHASHTU:

• “Për CEZ-DIA më informoi Endri Fuga”, Kryemadhi zbulon betejën për dosjen e bujshme
• “O dumduman!” Zbardhen përplasjet e Metës me kreun e SPAK, çfarë ndodhi në seancë