Grabitet dyqani luksoz në qendër të Romës, autorët thyen xhamin me makinë

Një grabitje është regjistruar këtë të hënë në një dyqan Louis Vuitton në qendër të Romës, në kryqëzimin e rrugëve Mario dei Fiori dhe Condotti. Tre burra, me fytyrë të mbuluar mbërritën në vendngjarje me një automjet.

Ata e përplasën makinën në dritaren prej xhami të dyqanit luksoz , duke shkaktuar dëme të shumta dhe duke hapur një kalim në brendësi të tij. Ata vodhën rreth 80 artikuj, kryesisht çanta dore dhe aksesorë të tjerë me vlerë të lartë.

Shuma totale e dëmit nuk është llogaritur ende, por vlerësimet fillestare tregojnë se mund të vlejë qindra mijëra euro. Autoritetet po shqyrtojnë pamjet filmike nga kamerat e sigurisë, si në dyqan ashtu edhe në bizneset fqinje, me qëllim identifikimin e autorëve dhe rrugën e tyre të arratisjes pas vjedhjes.

Furto nella notte nel magazzino di #LouisVuitton in centro a Roma.
Tre uomini a volto coperto hanno sfondato la vetrata e rubato borse e oggetti per un valore da quantificare.
E ora è caccia ai ladri.#Tg1 Simona Giampaoli pic.twitter.com/VU6GBRtIOj

— Tg1 (@Tg1Rai) November 17, 2025

LEXONI GJITHASHTU:

• Vengu nga hidrocentrali i Vaut të Dejës: Të angazhuar për përballimin e reshjeve
• Ish-kryeministrja e Bangladeshit dënohet me vdekje për krime kundër njerëzimit