Grabitja e Rinasit, Alkond Bengasi prish marrëveshjen e bashkëpunimit me prokurorinë

Alkond Bengasi prish përfundimisht marrëveshjen me prokurorinë, sa i përket grabitjes së ndodhur në Rinas më 9 prill të vitit 2019.

Në seancën e sotme në Gjykatën e Posaçme i pandehuri u pyet nga prokurorët nëse do i qëndronte marrëveshjes për të bashkëpunuar me drejtësinë, por ai refuzoi dhe pohoi se do të jetë i pandehur si të akuzuarit e tjerë.

Bengasi ishte i akuzuari që fillimisht bashkëpunoi me prokurorinë duke nxjerrë edhe emrat e bashkëpunëtoreve të tjerë në grabitje.

Të akuzuar për ketë ngjarje janë Klement Çala, Eldi Çala, Oltjan Veseli, Renaldo Sula, Saimir Çela dhe Elton Pikli.

Ndërkohë në kërkim është edhe Talo Çela.

Gjatë grabitjes në Rinas u vra edhe Admir Murataj që dyshohet se ka qenë truri i super-grabitjes ku dështoi edhe siguria e aeroportit.

Lexoni gjithashtu:

Të përfshirë në grabitjen e Rinasit, sekuestrohen pasuritë e Eldi dhe Klement Çalës

Supergrabitja e 9 prillit 2019 në Aeroportin e Rinasit, SPAK merr të pandehur 7 persona