VIDEO| Grabitja me pistoletë lodër karburantin në Vlorë, si u arrestuan të rinjtë

Tre të rinj janë vënë në pranga nga uniformat blu të Vlorës. Nën kërcënimin e një arme imituese pistoletë me silenciator tre të rinjtë kanë grabitur dy qytetarë duke iu marrë një shumë parash dhe një aparat celular.

Më pas ata grabitën edhe një pikë karburanti duke marrë xhiron ditore.

Në lagjen “10 Korriku”  u bë i mundur arrestimi i tre autorëve të dyshuar me iniciale A. M., 20 vjeç, një 16-vjeçar dhe një 17-vjeçar.

Shërbimet e policisë sekuestruan në cilësinë e provës materiale një armë imituese pistoletë me silenciator, një shumë parash, portofoli dhe aparati celular, të dyshuar të vjedhura, një mjet prerës (thikë), 2 maska mjekësore dhe automjeti tip “Audi” që autorët kanë përdorur për t’u larguar nga vendi i ngjarjes.

LEXONI GJITHASHTU:

• Grabitje me armë zjarri dhe maska në Korçë
• Të veshur me uniforma policie, pamjet e grabitjes ku u hap zjarr ndaj efekivëve