Granti i BE, Vengu: Nuk përputhej më me interesat strategjikë të zhvillimit portual

Drejtori i Portit të Durrësit, Pirro Vengu deklaroi se Bashkimi Evropian ka kërkuar informacion për vijimësinë e projektit për portin e ri turistik.

Në emisionin “Review” në Euronews Albania, Vengu u shpreh se u kërkua anulimi i grantit prej 28 milionë eurosh nga BE-ja, pasi kjo nuk përputhej më interesat strategjike të zhvillimit portual në Shqipëri.

“Bashkimi Evropian ka kërkuar informacion për vijimësinë e këtij projekti. Ka shumë interes për portin tregtar. Granti i famshëm ka qënë një pjesë grant, një pjesë kredi, parashikuar për zgjerimin e kapacitit të kalatave, për më shum krom, mallra gjenerale dhe mallra që ndotin.

Granti ishte parashikuar shumë vite më parë 2010-2011, nuk konkludoi sepse ne vetë e kërkuam anuilimin dhe thamë kjo nuk përputhet më me interesat strategjike të zhvillimit portual në Shqipëri”, theksoi ai.

Pas një seance maratonë që vazhdoi deri në orët e para të mëngjesit të së enjtes, Kuvendi i Shqipërisë miratoi me 76 pro dhe 35 kundër, projektligjin për Portin e Durrësit, duke i hapur kështu rrugë transformimit të saj në një qendër urbane me port jahtesh.

LEXONI GJITHASHTU

• Alabbar jep detaje: Javën e ardhshme publikojmë projektin për apartamentet në Durrës

• Aksionere serbë në Portin e Durrësit? Flet Mohamed Alabbar

• Ekskluzive | Mohamed Alabbar u përgjigjet kritikëve për Portin e Durrësit