Aksionerë serbë në Portin e Durrësit? Flet Mohamed Alabbar

Mohamed Alabbar ka mohuar akuzat se në kompaninë e tij, Eagle Hills që do të marrë përsipër ndërtimin e Portit të ri turistik të Durrësit, ka aksionerë serbë apo nga vende të tjera të rajonit.

Në një intervistë ekskluzive për emisionin “Review” në Euronews Albania, Alabbar u shpreh se në kompaninë Eagle Hills, është aksioner ai dhe disa partnerë të tij nga Abu Dhabi.

“Jo, nuk ka aksioner të tillë, unë jam aksioneri kryesor në Eagle Hills, kam disa partnerë nga Abu Dhabi. Edhe këtë mund ta kontrolloni dhe nuk do të gjeni gjë tjetër, iu premtoj. Në fakt, janë vetëm nga dy vende, nga vendi im, unë si Mohamed Alabbar dhe nga Abu Dhabi. Dua të bëj një deklaratë, se nga dita që filluam dhe deri më sot, asgjë nuk ka ndryshuar”, theksoi ai.

Pas një seance maratonë që vazhdoi deri në orët e para të mëngjesit të së enjtes, Kuvendi i Shqipërisë miratoi me 76 pro dhe 35 kundër, projektligjin për Portin e Durrësit, duke i hapur kështu rrugë transformimit të saj në një qendër urbane me port jahtesh.

LEXONI GJITHASHTU

• Ekskluzive | Mohamed Alabbar u përgjigjet kritikëve për Portin e Durrësit
• Alabbar për Portin e Durrësit: Faktet janë fakte, njerëzit të tregohen të sinqertë
• Kuvendi miraton projektligjin për Portin e Durrësit