Gratë mbjellin pemë për 8 Marsin. Veliaj: Certifikata mirënjohje për punonjëset

Në Ditën Ndërkombëtare të Gruas, gra sipërmarrëse të Tiranës zgjodhën të kontribuojnë për qytetin duke mbjellë pemë, si një mënyrë për të përçuar mesazhin e rëndësishëm se shtimi i gjelbërimit jo vetëm përmirëson cilësinë e jetës, por siguron një mjedis të qëndrueshëm edhe për fëmijët.  Ky gjest u përshëndet nga kryebashkikau i Tiranës Erion Veliaj.

 “8 Marsi është një kujtesë se beteja nuk ka mbaruar, mund të jenë fituar disa beteja të vogla, por beteja e madhe, ajo për emancipimin, vazhdon përditë. Sot e vlerësoj jashtë mase faktin që na u bashkuat me mbjelljen e pemëve, si një mënyrë për të lënë një shenjë në qytet, dhe e vlerësoj faktin që janë të gjitha vajza dhe gra sipërmarrëse në një vend të vështirë për sipërmarrjen, sidomos kur je grua dhe kur nuk ke mbështetjen e muskujve dhe të atij të fortit nga pas”, Erion Veliaj, kryetar i bashkisë së Tiranës.

Në këtë 8 mars, kryebashkiaku ka zgjedhur të nderoj me certifikata mirënjohje punonjëset në prag pensioni.

 “Ajo që ndoshta shumë njerëz nuk e dinë është se, pas një debati, apo një figure politike që drejton bashkinë, është një grup i jashtëzakonshëm grash edhe vajzash, inxhiniere, profesioniste, financiere, llogaritare, që punojnë në audit, në projektim, që janë pjesë e zbatimit të projekteve apo që inspektojnë në terren. Jam pafundësisht mirënjohës që shumë prej këtyre realiteteve të ndryshuara në Tiranë kanë emrin, firmën dhe kontributin tuaj profesional” Erion Veliaj, kryetar i bashkisë së Tiranës.

Falenderime kanë shkuar dhe në adresë të çdo gruaje që punon për pastrimin e Tiranës, që sipas Veliaj pa to qyteti nuk do ishte ky që është sot, i pastër dhe i mirëmbajtur.

LEXONI GJITHASHTU:

• Ilir Beqaj pas daljes nga SPAK: Po zbatoj vendimin e Gjykatës, jam nën hetim
• UNICEF: Më shumë se 230 milionë gra dhe vajza u janë nënshtruar gjymtimit gjenital