Greqi, evakuohet spitali ndërsa zjarri intensifikohet në Aleksandropolis

Dhjetëra pacientë janë larguar nga një spital në Greqinë verilindore pasi zjarret kanë dalë jashtë kontrollit për të katërtën ditë pranë Aleksandropolis.

Flakët arritën në mjediset e spitalit universitar dhe mes të evakuuarve kishte foshnja të porsalindura dhe pacientë në kujdesin intensiv.

Shumë prej të evakuuarve u dërguan në një traget në portin aty pranë.

Pacientët e lidhur me oksigjenin shtriheshin në dyshekë në kuvertën e anijes të shndërruar në repart spitalor.

Në breg u ngritën edhe tenda.

Aleksandropolis, një port i madh afër kufirit verilindor të Greqisë me Turqinë, është një nga një numër rajonesh greke që janë prekur nga zjarret, të ndezura nga erërat e forta dhe temperaturat të cilat kanë kaluar 39 gradë.

LEXONI GJITHASHTU:

• Zjarret në Evropë| Evakuime masive në Greqi. Në Spanjë, flakët jashtë kontrollit
• Vihet nën kontroll zjarri në Arëz, në kufi me Greqinë