Zjarri në Arëz, në kufi me Greqinë është riaktivizuar sërish në mesnatë ndërkohë që herët në mëngjes janë nisur përsëri drejt tij shërbimi zjarrfikës, policia e rendit, policia kufitare, shërbimi pyjor, shërbimi i emergjencave civile dhe administratori i zonës.
Sipas shefit se sektorit zjarrfikës në Kolonjë Vladimir Dhespollari zjarri ka nisur para 3 ditësh, ndërkohë që ditën e djeshme është vënë në izolim dhe fikur.
Era e fortë ka riaktivizuar edhe njëherë flakët mbrëmjen e djeshme, ndërkohë që në këto momente zjarri është vendosur në kontroll, është vënë në izolim dhe po merren masa për mospërhapjen e vatrës së zjarrit.
Nga dyshimet e para mendohet se zjarri mund të jetë shkaktuar nga dora e njeriut, por pritet konkluzioni nga ana e policisë së shtetit.
LEXONI GJITHASHTU:
- Turqi| Makina e ngarkuar me kashtë merr flakë, zjarri përhapet në pyll
- Shuhet zjarri në Dropull, dëmtoi 8 ha kullotë
