Greqia “tradhton” Izraelin: Ka të drejtë të mbrohet, por është e rëndësishme mënyra

Kryeministri i Greqisë, Kyriakos Mitsotakis, tha se aleatët e Izraelit duhet të thonë disa “të vërteta të vështira” në lidhje me përgjigjen e tij “agresive” ushtarake kundër Hamasit.

Sipas mediave të huaja, komentet Mitsotakis i bëri në një moment që vendet evropiane tregojnë shqetësim në rritje për “proporcionalitetin” e hakmarrjes në Gaza.

“Ne e dimë se Izraeli ka të drejtë të mbrohet, por mënyra se si e bën këtë është me të vërtetë e rëndësishme,” tha Kyriakos Mitsotakis në Podkasti “Power Play” i Politico këtë javë.

“Ndërkohë që BE ka mbështetur Izraelin që nga fillimi i kundër-ofensivës, pas sulmit të dhunshëm nga Hamasi më 7 tetor, i cili vrau më shumë se 1400 njerëz, disa shtete anëtare shprehën ‘një shqetësim të shtuar për vuajtjet e civilëve të pafajshëm dhe skenat e tmerrshme që ata u larguan nga Gaza’”, tha Mitsotakis.

“Ndërsa Izraeli vazhdon me këtë fushatë ushtarake shumë agresive, do të ketë shqetësime në rritje për proporcionalitetin e përgjigjes izraelite,” tha kryeministri grek. “Unë flas si mik i Izraelit”, shtoi ai.

“Dhe unë mendoj se ndonjëherë miqtë duhet t’u thonë të vërteta të vështira miqve”, tha ai më tej.

Gjatë muajit të kaluar, Izraeli ka rrethuar plotësisht Gazën dhe, sipas autoriteteve shëndetësore të kontrolluara nga Hamasi, ka vrarë më shumë se 10,000 njerëz në sulmet ajrore, duke përfshirë mijëra civilë. Vendet e BE-së, përfshirë Greqinë, kanë bërë presion për të vendosur të ashtuquajturat “pauza humanitare”, që ndalojnë përkohësisht luftimet në Gaza, për të lejuar 2.3 milionë njerëz që jetojnë në brezin bregdetar me popullsi të dendur të marrin ndihmë humanitare.

Pa minuar “qëllimin strategjik të mposhtjes së Hamasit”, është e rëndësishme të mendojmë për “të nesërmen” dhe si të gjejmë një zgjidhje politike për konfliktin, tha Mitsotakis.

“Në fund të ditës, duhet të dihet se cili është çmimi që duhet paguar për të mposhtur Hamasin”, shtoi ai.