Greqia voton sot për qeverinë e re, ‘garë’ mes Mitsotakis e Tsipras

Grekët i janë drejtuar sërish sot kutive të votimit, 5 javë pas zgjedhjeve të fundit parlamentare të 21 majit, në të cilat konservatorët që fituan bindshëm me 20 pikë diferencë nga të Majtët, nuk mundën të siguronin shumicë parlamentare për shkak se u zhvilluan me sistemin e thjeshtë proporcional.

Të drejtën e votës kanë të gjithë shtetasit grekë që kanë mbushur moshën 17 vjeç. Parlamenti i Greqisë përbëhet nga 300 anëtarë dhe për të janë në garë 32 parti politike.

Qendrat e votimit mbyllen në orën 19:00. Në mitingun e fundit të premten në mbrëmje nga sheshi Sintagma i Athinës kreu i Demokracisë së Re, Kyriakos Mitsotakis u ka bërë thirrje mbështetësve të mos votojnë për ata që flasin për përçarjen dhe që janë kthyer në toksikë.

Kundërshtari i tij më i afërt është Syriza. Kreu i saj në takimin përmbyllës theksoi se nuk duhet lejuar që  demokracia e re të fitojë pushtet absolute duke e cilësuar këtë si ruajtje të vlerave të demokracisë.

LEXONI GJITHASHTU:

• Mitingjet e fundit në Greqi, Mitsotakis-Tsipras përpjekjet e fundit para elektoratit
• Në anijen e fundosur në Greqi ishin të paktën 350 pakistanezë