Fundi i marsit po sjell rënie të ndjeshme të rasteve me grip dhe viroza të stinës.
Tre muajt e parë të vitit u pa se infeksionet respratore të sipërme dhe të poshtme prekën mijwra qytetarë duke vënë nën presion sistemet shëndetësore.
Sipas të dhënave zyrtare të Institutit tw Shëndetit Publik, prirjet e infeksioneve respiratore ishin të larta gjatë muajve janar-shkurt-mars të këtij viti në raport me vitin 2022. Virozat u bënë më agresive në muajin shkurt të këtij viti. Në javën e dytë të vitit 2024 u numëruan gjithsej mbi 17,600 persona të prekur nga infeksionet respiratore të sipërme dhe të poshtme, nga rreth 14 mijë raste që u numëruan në të njëjtën periudhë të vitit të kaluar.
Gjatë shkurtit dhe marsit 2024, infeksionet respiratore çdo javë kanë qenë rreth 25% më të larta se e njëjta periudhë e vitit 2023.
Mjekët pohojnë se këtë sezon, gripi ishte më i forti pas pandemisë Covid-19. Në vitet 2021-2022 dhe 2023 pas valëve të Covid-19 virozat ishin më pak agresive. Por këtë vit qarkulluan edhe Covid-19, edhe gripi sezonal, duke bërë që shumë të prekur të kishin nevojë për trajtim më të thelluar.
Mjekët shpjegojnë se kjo virozë ka qenë disi jo e zakontë për shkak se ka zgjatur më shumë se gripi i zakonshëm. Simptomat i kanë mbajtur pacientët për gati dy javë, ku ka dominuar temperatura e lartë, dhimbjet e kockave dhe kolla e fortë. Frekuenca më e lartë e infeksioneve respiratore të krijuara nga gripi ka qenë te fëmijët deri në 4 vjeç.
LEXONI GJITHASHTU:
- Gripi bie, fruthi raste të reja/ Për të 3 javë radhazi numri i të infektuarve ulet
- Bie kurba e infektimeve nga gripi dhe virozat
