Gruaja gëlltiti gjilpërën, mjeku: Ia hoqa për 20 minuta, ishte zgjuar

Një 30 vjeçare ka gëlltitur një gjilpërë, duke rrezikuar rëndë jetën e saj.

Doktori, Besim Morina është shprehur se e gjithë kjo ka ndodhur për shkak të vendosjes së gjilpërës në gojë, teksa 30 vjeçarja po përpiqej të rregullonte shaminë e saj.

në  “Pacientja ka qenë duke vendosur një gjilpërë në shami dhe ka qenë duke e mbajtur në gojë gjilpërën teksa po rregullonte shaminë, e më mënyrë aksidentale ka aspiruar. Nga njëra anë gjilpëra ka pasur një kokë të rrumbullakët e kjo ka bërë që të mos ndalet në rrugët e sipërme, por të rrëshqas deri në rrugët e poshtme të frymëmarrjes,” –tha doktori.

I pyetur se sa ka zgjatur procedura e heqjes së gjilpërës nga trupi i saj, Morina u shpreh kështu:

“Pacientja ka ardhur menjëherë në spital, pranë qendrës. Ka shkuar direkt në shërbimin e radiologjisë, aty ku është lokalizuar ku ndodhet mjeti. Më pas ka ardhur në kujdestari ku isha unë, e vendosëm në anestezi lokale. Nga ardhja në klinikë deri në dalje nga atje, procedura është realizuar brenda 20 minutash.”

Sipas mjekut, në aspektin fizik, ajo nuk ka pasur mungesë të oksigjenit, por ka qenë emocionalisht shumë shumë e rënduar.