Psikologia Eriona Hoxha është shprehur se djemtë në Shqipëri rriten me një mentalitet që gruan ta shohin si pronën e tyre që duhet t’u bindet.

Komentet Hoxha i bëri në emisionin “Good Morning Albanian” në Euronews Albania, ku tha se gratë dhe vajzat që u është marrë jetë nga partnerët, kanë figuruar edhe më herët në databazat e dhunës në familje.

Ajo tha se edhe Policia pas rasteve të dhunës punon që t’i pajtojë përsëri çiftin, duke mos menduar se çfarë mund të ndodhë më pas.

“Edhe zgjidhjet e martesave kanë kryesisht si shkak dhunën në familje. Unë e them që dhuna degradon dhe përshkallëzohet deri në marrje jete. Gratë dhe vajzat që u është marrë jetë nuk u del emri për herë të parë në ato databazat.

Pas konfliktit, mundohen SPZ-të e policisë t’i bashkojnë sërish, duke mos menduar se çfarë do të ndodhë më pas. Po rriten denoncimet edhe për dhunë psikologjike.

Ne vazhdojmë, shoqëria shqiptare vazhdon të rrisë djem që gruan shqiptare ta shohin si pronë, që ai të jetë një drejtues dhe gruaja t’i bindet. Për të mos folur pastaj për veset, si alkolli, bixhozi, etj”, është shprehur Hoxha.

LEXONI GJITHASHTU:

• Dhuna në familje/ Daci: S’zgjidhet me vendime ekstreme, mund të jetë e stisur për…
• Dhuna në shkolla ka qenë gjithmonë, por tani po raportohet. Mësuesja tregon shkaqet