Gruaja vdes pasi hëngri çokollatat me helm që i mori si dhuratë

Një grua ka vdekur pasi ka ngrënë ‘çokollata të helmuara’ që ka marrë si dhuratë për ditëlindjen e saj të 54-të.

Lindaci Viegas Batista u rrëzua në agoni pasi provoi ëmbëlsirat teksa doli nga një sallon bukurie në Brazil. Familja e saj tha se ajo kishte marrë një numër telefonatash dhe mesazhesh kërcënuese përpara se t’i përgjigjej një telefonate ‘të dyshimtë’ nga një korrier me një paketim dhurate më 20 maj.

Në fillim ajo nuk pranoi të hante çokollata, por pasi ish-bashkëshorti i saj tha me shaka se ishin një dhuratë prej tij, ajo i provoi dhe kjo gjë rezultoi fatale… Motra e saj, Lenice Batista, tha se sytë e saj u kthyen prapa dhe krahët u tkurrën. Carvalho u dërgua në spital në Rio de Zhaneiro, ku ndërroi jetë menjëherë. Familja e saj beson se ajo është helmuar dhe policia ka hapur një hetim për vdekjen e saj.

Familja e saj tha se ajo u kishte thënë atyre se kishte frikë se çokollatat ‘mund ta helmonin’ pasi mori një sërë kërcënimesh anonime në mediat sociale. “Ishte gjithçka shumë makabre, shumë e paramenduar”, tha motra e saj. Po ashtu motra e të ndjerës shtoi se djali i Carvalhos i kishte provuar çokollatat, por i pështyu duke thënë se kishin shije të keqe…

Rezultatet priten brenda një muaji por ish-partneri është i dyshuari kryesor.

LEXONI GJITHASHTU:

• Trazirat e Kapitolit, dënohet me 18 vite burg udhëheqësi i ekstremit të djathtë
• I varfër dhe i lumtur? Gëzim Tushi: Ja pse është e vështirë