Grupi ekstremist “tremb” Greqinë, njësia e re militante merr përsipër dy atentate

Një grupi i ri militant, i sapokrijuar dhe i quajtur Vetëmbrojtja e Klasës Revolucionare ka marrë përsipër përgjegjësinë për dy incidente me bombë në Athinë, përfshirë atë të së premtes së kaluar jashtë zyrave të stacionit hekurudhor.

Shpërthimi i së premtes shkaktoi dëme të vogla materiale, por jo në njerëz. Ai erdhi pas dy telefonatave paralajmëruese të bëra në adresë të dy institucioneve mediatike, rreth 40 minuta para aktivizimit.

Grupi ekstremist tha gjithashtu se ishte edhe prapa një tjetër sulmi që ndodhi pranë godinës së Ministrisë së Punës, në kryeqytetin grek në fillim të shkurtit.

Grupi deklaroi se sulmet ishin pjesë e një opozite të armatosur kundër shtetit, që përkrah popullin palestinez dhe atë që e quan “rezistencën e tij heroike”.

Organizata me prirje të majta i lidhi veprimet e saj me zemërimin që ka përfshirë popullin helen për katastrofën hekurudhore të vitit 2023, ku humbën jetën 57 persona dhe për faktin se dy vjet më vonë nuk është dënuar askush.

“Me gjakun që nuk është tharë ende, ata ia atribuuan aksidentin një gabimi njerëzor dhe mangësive të vazhdueshme të shtetit grek”, shkroi grupi në një komunikatë, ku akuzoi qeverinë se po e përdor tragjedinë për të justifikuar privatizimet dhe problemet.

Nga ana e tyre, autoritetet greke po i hetojnë shpërthimet, duke mbledhur materiale nga kamerat e sigurisë dhe të dhënat telefonike.

Ato vunë në dukje rikthimin e grupeve ekstremiste të brendshme, një fenomen i njohur që prej viteve ’70, që kanë vepruar historikisht me bomba që kanë shkaktuar dëme materiale, por rrallë herë viktima.

LEXONI GJITHASHTU:

• Raporti i OKB, parashikohet përgjysmim i lindjeve në Shqipëri deri në 2054
• Në BMW me 20 mijë e 200 euro, policia u sekuestron paratë dy kosovarëve në Morinë