Grupi parlamentar i PD publikon raportin për mandatin e Olta Xhaçkës

Grupi parlamentar i Partisë Demokratike ka publikuar këtë të mërkurë raportin që do t’i paraqesë paralamentit të enjten në lidhje me mandatin e deputetes Olta Xhaçka.

Grupi paralamentar i PD kërkon dërgimin e çështjes në Kushtestuese në mënyrë që të kontatohet papajtueshmëria e mandatit të deputetes Olta Xhaçka.

“Dërgimin e çështjes në Gjykatën Kushtetuese për të konstatuar papajtueshmërinë me mandatin e deputetes znj. Olta Xhacka, sipas Mocionit të paraqitur nga 1/10 e deputetëve të Kuvendit të Shqipërisë”, thuhet në raportin e deputetëve të PD.

Në argumentat e dhëna nga grupi i PD për papajtueshmërinë e mandatit të ish-ministres Xhaçka theksohet se kompania e bashkëshortit të saj fitoi të drejta pasurore mbi pasurinë e shtetit.

“Konkretisht, si rezultat i përdorimit të brigjeve të detit, e cila përbën pasuri shtetërore, për instalimin e stacioneve te plazhit në fshatin Gjilekë, Himarë, shoqëria “AG.TCC” sh.p.k., në bashkëpronësi të bashkëshortit dhe të deputetes Xhaçka, do të siguroje të ardhura, çka përbën qartazi një veprimtari fitimprurëse që buron nga pasuria e shtetit.”, thuhet në raport.

LEXONI GJITHASHTU:

• “Zbatoni vendimin e Kushtetueses për Olta Xhaçkën”, Bardhi kërkesë Kuvendit
• Xhaçka: Bashkëshorti im nuk ka marrë asnjë m2 tokë nga shteti