Gushti mbyll pushimet verore, kthehen në Greqi emigrantët e fundit

Gjatë fundjavës në doganën e Kakavijës po regjistrohet një fluks i shtuar në sportelet e daljes nga Shqipëria ndërsa rikthehen në shtetin grek emigrantët e fundit që kaluan pushimet e verës në vendlindje.

Sipas Policisë Kufitare në Kakavijë janë përpunuar 9.527  shtetas në hyrje – dalje, nga të cilët  3.841  në hyrje dhe  5.686  në dalje, si dhe  3.107  mjete në hyrje – dalje, nga të cilat 1.265  në hyrje dhe  1.842  në dalje. Pjesë e fluksit të lëvizjes në kufi janë edhe turistët nga vende të ndryshme.

Policia Kufitare punon me 3 sportele në hyrje dhe 4 në dalje ndërkohë që edhe pala greke ka përshpejtuar procedurat në sportelet e kontrollit të dokumenteve.

Përgjatë verës dogana e Kakavijës u përball me një fluks të lartë të këmbësorëve dhe automjeteve që lëvizën në të dyja anët e kufirit me Greqinë.

LEXONI GJITHASHTU:

• Vazhdon fluksi në Kakavijë, lëvizën 8300 persona në 24 orë
• Nis largimi i emigrantëve të ardhur për pushime, fluks i lartë në dalje të Kakavijës