Vazhdon fluksi në Kakavijë, lëvizën 8300 persona në 24 orë

Në doganën e Kakavijes, në këto ditë gushti vazhdon fluksi i lartë i lëvizjes në të dyja anët e kufirit me Greqinë.

Vetëm gjatë 24 orëve të fundit nëpërmjet kësaj dogane lëvizën në kufi rreth 8300 persona, turistë apo emigrantë që kthehen për të kaluar pushimet verore tek të afërmit e tyre në Shqipëri.

Sipas Policisë Kufitare, në Kakavije 24 orët e fundit u regjistruan 5021  persona për hyrjen në vendin tonë si dhe 3245 në dalje të tokës shqiptare.

Gjithashtu në kufi qarkulluan 2878 mjete në hyrje-dalje nga të cilat 1677 në hyrje dhe 1201 automjete në dalje.

Policia Kufitare punon me 4 sportele në hyrje dhe 4 në dalje ndërkohë që edhe pala greke ka përshpejtuar procedurat në sportelet e kontrollit të dokumenteve. Gjatë fundjavës në këtë doganë pritet të regjistrohet sërish një rritje e ndjeshme e fluksit të lëvizjes në kufi.

LEXONI GJITHASHTU:

• Fluks në fillim të gushtit në Kakavijë, mbi 10 mijë persona kaluan kufirin në 24 orë
• Radhë të gjata në Kakavijë, fundjava e parë e gushtit sjell fluks të lartë në kufi